Eldspýtnastokkur í yfirstærð.

  Mikið hrottalega er ég svakalega og alveg hriiiiiiikalega klár!!! Já og svo er ég svo hógvær og hjartalítillát líka eins og bersýnilega sést hér. En mér tókst s.s sjálf að setja myndina inn. Ég veit ég ætlaði að biðja eiginmanninn um að redda þessu fyrir mig þegar hann færi á fætur en það kom bara einhver fjárans mótþrói upp hjá mér og ég hreinlega VARÐ að gera þetta sjálf og voila.

Hér er s.s skenkurinn góði sem ég tala um í síðustu færslu. Ég veit þetta er dauður hlutur.................. en mikið svakalega sé ég eftir skápnum. Þið getið stækkað myndina með því að klikka á hana beint. Miðjuhurðirnar 2 voru með steindar rúður (svona eins og franskir gluggar). En ég hef grun um að hangi nú þarna saman af gömlum vana og viljanum einum saman. Ef þið getið gefið mér einhverjar upplýsingar um hugsanlegt verð þá getið þið annað hvort kommentað hér eða sent mér póst á [e-mail] . Nú þið sem skiljið ekki bofs í því sem ég er að tuða hérna, verðið eiginlega að lesa síðustu bloggfærsluna mína og þið getið treyst á það að þetta mun allt meika sens eftir það.

Kram á línuna á meðan 

Athugasemdir

[Ásdís Sigurðardóttir, 5.6.2008 kl. 23:23]

Æ dúllan mín, fyrirgefðu að ég gleymdi þér, ætla að linka þig núna inn í nýjustu færsluna mína.  Knús til þín

[Jóna Kolbrún Garðarsdóttir, 6.6.2008 kl. 01:46]

Þetta hefur verið glæsilegur skenkur, það er synd að hann skildi eyðileggjast.  Vonandi færð þú hann bættann á réttu verði.

[Tína, 6.6.2008 kl. 06:50]

Ásdís: Takk krútta fyrir að linka mig inn á síðuna þína. Vonandi sér þetta einhver sem getur hjálpað. Overload af knúsi til þín

Jóna: Já glæsilegur var hann. Ég eignaðist hann fyrir 14 árum síðan og var hann þá þegar mikið notaður, en ég man enn í dag hvernig ég kolféll fyrir þessu setti (borð og stólar fylgdu með) og hvað ég hafði svakalega og lengi fyrir því að eignast þetta. Því ég ÆTLAÐI mér sko að fá þetta. Og hún Tína hérna fær yfirleitt það sem hún á annað borð ákveður að hún vilji, hversu mikið sem hún þarf að hafa fyrir því .

Annars var Tigercopper að bjóða fram aðstoð sína og hef ég svona grun um að þegar sá englabossi fer af stað þá sé fátt sem geti stoppað hann. Krosslegg því fingur.  

[Gunna-Polly, 6.6.2008 kl. 15:37]

þú ert klárust sko

[Tiger, 6.6.2008 kl. 18:38]

  Ég trúi því varla - en græðgin í sumum er mér ofviða að skilja. Fór með myndina í morgun á tvo karla sem er færir í að meta svona hluti - og þeir buðust til að meta "myndina" gegn sanngjörnu gjaldi.

En, ég fór á einn annan til viðbótar en þar var eigandinn ekki við - en konan þar tók myndina og ætlar að láta hann skoða hana eftir hádegi á morgun, laugardag. Vona að það komi þó eitthvað út úr því. Gruna að mjög margir séu einmitt búnir að vera að "ónáða" antiksala mikið eftir skjálftann, en skil ekki svona óliðlegheit. Læt heyra í mér örugglega seinni partinn á morgun í það síðasta og vonandi með einhverja hugmynd um verð á svona skápum. Knús í þig skottið mitt..

[Tína, 6.6.2008 kl. 23:50]

Búkolla mín: Rétt er það að þetta er glæsilegur gripur og vildi ég helst ekki missa hann. Reyndi eins og ég gat að nota UHU lím á hann en ekkert gekk  Þannig að ég vona svo sannarlega líka að ég fái hann bættann.

Gunna mín eina og sanna: Þú veist að við erum laaaaaaaaangflottastar er það ekki?

Tigercopper: Ég á ekki til orð til að lýsa yfir þakklæti vegna þessa sem þú ert að leggja á þig fyrir bláókunnuga manneskju eins og mig (ég er samt algjört krútt sko). En ég skil vel að þessir matsaðilar vilji fá borgað fyrir þetta og þykir mér það í raun alveg sjálfsagt. Get alveg trúað því að álagið á þeim sé alveg gífurlegt þessa dagana. En eitt vil ég segja þér TC: Ég veit engin deili á þér, hvað þú ert gamall eða hvar þú ert búsettur, en ég vona og óska þess innilega að eigir þú einhvern tímann leið í gegnum Selfoss, að þú lítir við í búðina mína (en ég á flottustu herraverslunina á landinu *blikkblikk*) svo ég geti launað þér þessa einlægu og óeigingjörnu greiðvikni þína. Þú ert perla og er mér heiður af því að kynnast þér.